बडू पर्दा पर दिख्याली अब पहाड़ की खैरी, उत्तराखण्ड मा ह्वेली एक होर फिल्म शूटिंग

अब जल्द ही बड़ू पर्दा पर पहाड़ की खैरी पीड़ा तै दिखये जाली। अगल मैना बटी ’द ब्रेक चाईल्ड फिल्म की शूटिंग शुरू ह्वेली। फिल्म की कहानी 11 साल बच्चा पर बणयी च। जू पहाड़ मा हूण ह्वाळ समस्या से जूझद। यीं फिल्म मा 22 स्थानीय कलाकारों तै भी मौका मिलल। फिल्म क निर्देशक अर लिखवार देहरादून रैवासी अश्वनी डंगवाल छन।
अश्वनी डंगवाल न बतै कि मी खुद ही उत्तराखण्डी छौं। दिली इच्छा च कि पहाड़ की समस्याओं तै बड़ पर्दा पर दिखये जाल। फिल्म मा मुख्य भूमिका अभिनेता रघुवीर यादव निभाणा छन। फिल्म की कहानी 11 साल पहाडी नौन्याळ तथास्तु की च। जै गॉव मा सड़क नी च, अस्पताळ बौत दूर च जणी तमाम दिक्कत छन। यूं समस्याओंक समाधान कन मा निकळदू यूं सब तथ्यों तै फिलम मा दिखये जाल। येक अलावा पिथौरागढ रैवासी कृष्णा बिष्ट भी महत्वपूर्ण भूमिका मा दिखये जाली। उने बतै कि माल देवता आस पास ह्वेली फिल्म शूटिंग अर अप्रैल मैना बटी शुरू ह्वे जाली। उन यन भी बतै कि इंटरनेशलन फिल्म फेस्टिवल मा भी दिखये जाली यी फिल्म येक बाद यीं तै देश मा लांच करे जाली। उन यन भी बतै कि यीं फिलम मा क्वी गीत नी हूण क। ’ द ब्रेक चाइल्ड उंक कैरियर की पैली फिलम च, जैक लिखवार अर निर्देशन उ अफी कना छन।

Loading...

Leave a Reply

Your email address will not be published. Required fields are marked *