पैल ब्यौंली परीक्षा दीणा कुणी ग्यायी, फिर वैक बाद ह्वायी सुसरास कुणी विदा

पढ़ली बेटी, अगड़ी बढ़ली बेटी जणी बात अब सिंरफ बात नी रै गेन बलकण अब यी चरितार्थ भी हूणा छन। उत्तरकाशी क मातली गौं की सोनम न जल्दी विदै कना कुणी बुलण ह्वाळ बरातियूं तै चौके द्यायी, जब वीन ब्वाल कि पैल मी परीक्षा द्योल, वैक बाद ही विदै ह्वेली, तब उ परीक्षा दीणा कुणी ग्यायी, बरात दुफरा बाद विदा ह्वायी।
उत्तरकाशी जिला मुख्यालय बटी आठ किलोमीटर दूर मातली गौ मा इतवार दिन सोनम ब्यौ छ्यायी। सोमवार कुणी विदे हूणा छ्यायी। बरात 250 किलोमीटर दूर पौड़ी जिला क कुल्याणी गौं बटी अयीं छेयी। सोमवार की सुबेर फेरां की रस्म संपन्न हूण बाद बराती जल्दी विदै कना की आग्रह कन लगी ग्यायी। बरात दूर बटी अयीं छेयी, ये खातिर विदै जल्दी कन चाणा छेयी।
दुल्हन की मॉ विनीता नौटियाल न बतै कि सोनम बचपन से ही पढै मा होशियार च। वा स्टेनोग्राफी मा पैल साल की छात्रा च, अर सोमवार कुणी वींक आखरी पेपर छ्यायी। घर क सदस्य झिझकणा छ्यायी अर बरातियूं तै ये बाबत नी बतै पाणा छ्यायी। ये बाबत तब सोनम खुद अफीक ऐथर आयी अर अपरी इरादा सब्यूं समणी जाहिर करी।

Leave a Reply

Your email address will not be published. Required fields are marked *