ड्रेवर तै पड़ी हार्ट अटैक, यात्रियूं तै बचाण खातिर बस साईड मा लगे ह्वे ग्यायी बेहोश, कुच्छ देर बाद मौत

यात्रियूं तै लेकन आण बगत गाड़ी ड्रेवर की रस्ता मा तबीयत खराब ह्वे ग्यायी, वैन बस साईड मा लगे द्यायी, जैक बाद अस्पताल मा चिकित्सकू न वै तै मृत घोषित कर द्यायी। गंगोत्री धाम मा दर्शन कराण बाद उत्तरकाशी बटी आण बगत बस ड्रेवर की भटवाड़ी समणी अचाणचक तबीयत बिगड़ी ग्यायी। चालक अपरी परवाह भी नी करी अर सूझबूझ से गाड़ी तै इकतरफां लगै द्यायी जैसे कत्ती यात्रियूं की जिदंगी बचै द्यायी। हालांकि ये कुच्छ देर बाद उ बेहोश ह्वे ग्यायी। जल्द बाजी मा ड्रेवर तै अस्पताळ भिजे ग्यायी। जख चिकित्सकूं न वै तै मृत घोषित कर द्यायी।
दरअसल, मंगळवार ब्यखन बगत सूरत (गुजरात) क 30 जत्रवें तै लेकन एक बस गंगोत्री से उत्तरकाशी आणी छेयी। उत्तरकाशी बिटी 28 किलोमीटर पैल भटवाड़ी मा बस चालक भरत सिंह पंवार (43 वर्ष) नौन नारायण सिंह पंवार रैवासी सुभाष वनकोटि, ऋषिकेश की तबियत खराब ह्वे ग्यायी। ड्रेवर न भटवाड़ी समणी एक सुरक्षित जगह मा इकतरफा गाड़ी खड़ी करी द्यायी। सै सै करी कन तबीयत ज्यादा खराब हूण लगी अर कुच्छ ही देर मा उ सीट पर बेहोश ह्वे ग्यायी। परिचालक अर यात्रियूं न चालक तै अस्पताळ पहुॅचाण कुणी स्थानीय लोगू मदद मॉगी। वख मौजूद भटवाड़ी क प्रधान संजीव नौटियाल अर विजेन्द्र नौटियाल न अपर गाड़ी बटी चालक तै प्राथमिक स्वास्थ्य केन्द्र भटवाड़ी लेकन पहुॅची। लेकिन, यख चिकित्सकू न उते मृत घोषित करी द्यायी। मौत कारण जिकुड़ी धड़कण बंद हूण बतायी।

Leave a Reply

Your email address will not be published. Required fields are marked *