द्वारीखाल प्रखण्ड मा वन तस्करी मामला मा खैर डाळ कटण पर तीन कुणी जेल, वन तस्करी सरगना हूण आशंका

द्वारीखाल प्रखण्ड गॉव मा अवैध तौर पर कटयाण ह्वाळ खैर क 55 डाळू क मामला मा तीन आरोपी पकड़े गेन। तीनी आरोपियूं तै न्यायालय क आदेश पर 14 दिन की पुलिस रिमांड पर पौड़ी जिला भेज दिये ग्यायी। होर आरोपियूं की धरपकड़ खातिर जंगलात विभाग न धरपकड़ शुरू करयाली। लैंसडाउन वन प्रभाग क लैंस डौन रेंज मा कठूड़ गॉव मा वन तस्कर न बिना अनुमति खैर क 55 हर डाळ जड़पत्ती उळै देन। खबर मिलण पर हरकत मा ऐ कन जंगलात विभाग न बुप्यर दिन गॉव मा छापा मारी कन कटीं 200 क्विटल खैर लखड़ अर कटान मा इस्तमाल कर्या हथियार समेत तीन लोगू तै रंगे हाथ गिरप्तार कर दे छ्यायी।
लैंसडौन रेंज अधिकारी पूनम कैंथोला न बतै कि बुप्यर दिन खैर लखड़ कटण मामला मा पकड़े गेन तीन आरोपी ओडल गॉव रैवासी मुंशी लक्ष्मण सिंह उर्फ मुन्ना, यूपी बिजनौर जिला क साहनपुर रैवासी समीम, हिमाचंल प्रदेश रैवासी मनोज तै न्यायालय मा पेश करे ग्यायी। जख न्यायालय न आरोपियूं की जमानत नामजूंर करी कन कन 14 दिन की पुलिस रिमांड पर पौड़ी जेल भीजण आदेश दियेन। न्यायालय क आदेश पर तीन आरोपियूं तै पौड़ी जेज भेज दिये ग्यायी।
बतै दिवां कि पिछल साल यमकेश्वर प्रखण्ड क दयावाला, अर कण्डर गॉव मा भी वन तस्करू न भी बिना अनुमति क 80 डाळ काटी दे छ्यायी जै प्रकरण अजों तनक न्यायालय मा चलणू च। उन जंगलात विभाग बटी मुख्य आरोपी बतये ग्यायी आनंद मोहन थपलियाल न जंगलात विभाग पर उंते ये मामला मा जबरन फसांण का आरोप लगायी। उन ब्वाल कि ये से पैल भी यमकेश्वर क दयावाला मा कट्या 78 डाळू मामला मा उं तै आरोपी बणये ग्यायी। उन विभागीय अधिकारियूं पर भ्रष्टाचार कना आरोप लगैन कन विभाग बटी अपर बचाव मा काश्तकार अर उंक खिलाफ झूठ मुकदमा दर्ज करे ग्यायी।

Loading...

Leave a Reply

Your email address will not be published. Required fields are marked *