यमकेश्वर चार गौं मा पीण पाणी समस्या से परेशान लोग, स्कूल मा द्वी कि0मी दूर बिटी सरयाणा पाणी

यमकेश्वरः यमकेश्वर प्रखण्ड मा ये बसगाळ मा भी पीण पाणी बड़ी समस्या हुयीं छ। यख पोखरी, पोखरी डांडा, घयालगॉंव अर सैंज मा पिछल मार्च मैना बिटी पीण पाणी समस्या जने तन छ। गौं लोगू दगड़ी ही प्राईमरी स्कूल पोखरी भोजन माता भी द्वी किमी0 दूर लग्यूं हैंडपंप बिटी पीण पाणा मुण्ड मा सारी कन लाणा कुणी मजबूर छ।
सल 1984-85 मा नौंगांव प्राकृतिक स्त्रोत बिटी पोखरी, पोखरी डांडा, घयालगॉव अर सैंज गॉव खातिर पेयजल योजना बणये गे छेयी। कुच्छ बगत तकन गॉव मा पाणी ठीक आयी। लेकिन मार्च बाद पाणी आण बंद ह्वे ग्यायी। तब गौं रैवासियूं खातिर टैंंकर मा पाणी भिजे ग्यायी। जल संस्थान कोटद्वार न चार हैंडपंप भी लगैन जैमा तीन खराब ह्वे गेन। अजों एक ही हैंडपंप पर पाणी आंद, जैमा लोगू भीड़ लगी रै करदी।
पीण पाणी समस्या चलद चार गौं मा 50 परिवार अर दगड़ मा प्राथमिक विद्यालय पोखरी मा पढण ह्वाल 35 बच्चों खातिर दिन खाणा बणाण कुणी भोजन माता तै भी परेशनी उठाण पड़नी। गौं रैवासी नरेन्द्र बिष्ट, बिनीता बिष्ट, हिमांशी बिष्ट नीलम नेगी, यूं सब्यूं बुलण च कि उंक गॉव मा हमेशा पाणी परेशनी रै करदी। जै तै दूर कना खातिर कै भी जन प्रतिनिधि क्वी दिलचस्पी नी ल्यायी। येक दगड़ी कीम गधेरा पंपिग योजना प्रस्ताव सरकार कुणी भिजे ग्यायी, लेकिन यीं योजना तै अजों तकन स्वीकृति नी मिली।
जल संस्थान कोटद्वार जेई रतन सिंह रावत न ब्वाल कि बरखा कम हूण कारण पाणी सोत मा पाणी कम ह्वे ग्यायी। एक टीम प्राकृतिक सोत मा भिज्याणा छ। एक हप्ता भीतर पाणी पौंछाण प्रयास करे जाल।

Leave a Reply

Your email address will not be published. Required fields are marked *