यमकेश्वरः पोखरी, घयालगॉव अर प्राथमिक विद्यालय पोखरी मा अजों बटी सरग दिदा पाणी पाणी

यमकेश्वर प्रखण्ड क ग्राम पोखरी, घयालगॉव अर प्राथमिक विद्यालय पोखरी मा एक बटी पेयजल संकट बण्यूं च। ग्रामीण डेढ किमी0 दूर हैडपंप बटी पाणी लेकन आणा छ्यायी लेकिन मंगलवार दिन हैंडपंप भी खराब ह्वे ग्यायी, जैसे लोगू की मुसीबत होर बढी ग्यायी। ग्रामीण न हैडपंप तै ठीक कराण अर पेयजल की वैकल्पिक व्यवस्था कना की मॉग करे ग्यायी।
सल 1984- 84 मा नौगांव क प्राकृतिक जलस्त्रोत बटी पोखरी, पोखर डांडा अर घयालगॉव कुणी एकल पेयजल योजना बणी छेयी। पेयजल योजना बटी जनवरी तकन पाणी खूब आणू छ्यायी लेकिन वैक बाद गदन मा पाणी कम हूण कारण से फरवरी बटी पाणी समस्या शुरू ह्वे ग्यायी। जल संस्थान बटी टैंकर बटी ग्रामीण लोगू तै पीण की पाणी आपूर्ति करे जांद। लोगू न बतै कि पिछल फरवरी बटी नौगांव पेयजल लाईन पर पोखरी डांडा तकन त पाणी आणा च लेकिन वैसे ऐथर पोखरी गॉव अर प्राईमरी स्कूल मा पाणी नी आणा च। पेयजल आपूर्ति नी हूण कारण डेढ किमी दूर हैडपंप बटी मुण्ड मा पाणी सरण पन लग्या छ्यायी, लेकिन मंगलवार कुणी हैंडपंप भी खराब ह्वे ग्यायी। ये मा 50 से ज्यादा परिवार दगड़ी प्राथमिक विद्यालय क 35 नौन्याळ तै भी परेशनी झिलण कुणी मजबूर छन। गौं रैवासी नरेन्द्र सिंह बिष्ट, बलदेव सिंह, प्रेम सिंह, उर्मिला देवी, कविता देवी, मनोहर सिंह बिष्ट, बबीता, अर आरती देवी क बुलण च कि पेयजल लैन बाद अब हैडपंप खराब हूण से पालतू मवसियूं त ै भी पाणी पिलाण मुश्किल ह्वे ग्यायी।
जल संस्थान कोटद्वार क जेई रतन सिंह रावत क बुलण च कि पोखरी गॉव मा लग्यूं हैंडपंप खराब ह्वे गे छ्यायी। वै तै ठीक कराण बाबत मैकेनिक भिजे ग्यायी। जल्दी ही हैंडपंत ठीक कर दिये जाल। पोखरी पेयजल योजना क स्त्रोत र मार्च मैना बटी पाणी कम ह्वे जांद, जैसे पोखरी डांडा तक नही पेयजल की आपूर्ति हूणा च। अप्रैल तकन यूं गॉव मा टैंकर से पीण क पाणी सप्लाई करे जाल।

Loading...

Leave a Reply

Your email address will not be published. Required fields are marked *