यमकेश्वर ब्लॉक मुख्यायल  सड़क पर हुया गड्ढों पर क्षेत्र पंचायत सदस्यो न लगायी रोपणी

यमकेश्वर ब्लॉक मुख्यायल  सड़क पर हुया गड्ढों पर क्षेत्र पंचायत सदस्यो न लगायी स्यार,

यू जू फ़ोटो दिखणा छ्यौ, उ क्वी स्यार नी छ बलकन यमकेश्वर ब्लॉक मुख्यालय जाण ह्वाल सड़क छ। राजधानी देहरादून काख मुड़ पौड़ी गढ़वाल ब्लॉक यमकेश्वर सड़क खस्ताहाल तस्वीर छन। जब ब्लॉक मुख्यालय सड़क यी हाल छन तब होर सड़क हाल त समझी सक्दो।


क्षेत्र पंचायत सदस्य बुंगा सुदेश भट्ट न बते कि यमकेश्वर ब्लाक की या सडक ब्लाक मुख्यालय तै न्याय पंचायत नीलकंठ ‘नौगांव’गैंडखाल’ व किमसार क सैकडौं गांवो तै जुड़न दगड़ी राजधानी देहरादून व क्षेत्र क मुख्य बाजार ऋषिकेश की दुरी तै 26 किमी कम करदी, जैसे ईंधन बचत हूंद।

ये बाबत क्षेत्र पंचायत जुलेडी हरदीप कैंतुरा न बतायी कि आज सडक दुर्दशा इन हुई कि क्वी भी उच्च अधिकारी अर जन प्रतिनिधि जान जोखिम तै डळण मा डरद छन, आम जनता रोज यू सड़क पर चलना कुणी मजबूर छ।

वखि स्थानीय निवासी व कनिष्ठ प्रमुख यमकेश्वर बिजय पाल सिंह नेगी न बतायी कि हम लोग काफी पैल बिटी यी सडक डामरी करण मांग कना छवा लेकिन सरकार अनदेखी कारण आज यमकेश्वर ब्लाक या सडक गुरबट बणीकन रै ग्यायी।

क्षेत्र प्रमुख सडक अनदेखी चलद आज यमकेश्वर ब्लाक क क्षेत्र पंचायत सदस्यों न झील रुप ले चुकी सडक पर धान रोपाई करी कन सरकार ध्यान यी तरफ आकर्षित कना बाबत क्षेत्र पंचायत सदस्य कोठार गीता पयाल, क्षेत्र पंचायत सदस्य मराल शशि बाला, क्षेत्र पंचायत सदस्य कांडी यशोदा, क्षेत्र पंचायत सदस्य गंगा भेगपुर विमल नेगी क्षेत्र पंचायत सदस्य बुकंडी मीनाक्षी देवी, सामाजिक कार्य कर्ता उपेंद्र पयाल पंकज राणा, होशियार सिंह, अश्वनी शर्मा, विमल धमांदा , समेत क्षेत्र क सैकडों रैवासीयू न ब्लाक मुख्यालय पहुंचिकन सरकार से यी महत्वपूर्ण सडक शीघ्र डामरीकरण मांग करी।

सब्बि क्षेत्रिय जन प्रतिनिधियू न बतायी कि अगर सरकार द्वारा यी सडक जान लेवा गड्ढौं तै जल्दी ठीक नि करे ग्यायी त पंचायत प्रतिनिधि क्षेत्र विकास खातिर आंदोलन कुणी बाध्य ह्वाल अर खतरों से भरया गड्ढौं यदि सरकार जल्दी ठीक नि करदी तो पंचायत प्रतिनिधि क्षेत्र जनता दगड़ी मिलिकन आम जन क हित मा यी सडक पर श्रमदान कना बाबत लिये मजबूर ह्वाल।

पंचायत प्रतिनिधियों न बतायी अगर जानलेवा सडक पर कै भी तरह क्वी अनहोनी ह्वे जांद त एकी जिम्मेदरी संबधित बिभाग व अधिकारियूं की ह्वेली।

Loading...

Leave a Reply

Your email address will not be published. Required fields are marked *