यमकेश्वर क ढांगू पट्टी क जोग्याणा मा छन्नी फुके कन राख, एक गौड़ अर एक बळद फुके गीन

यमकेश्वर क ढांगू पट्टी क जोग्याणा मा छन्नी फुके कन राख, एक गौड़ अर एक बळद फुके गीन।

उत्तराखंड मा अजकली दिनों मा जगह जगह बणों मा बणाग लगी। बण से लेकन गांव तकन यी भयंकर वनाग्नि चपेट मा आण कारण जँगली जानवर, चखुल, कीड़ पतंग समेत पालतू मवेशियों व ग्रामीणों जन जीवन अस्त व्यस्त ह्वे ग्यायी। राजधानी देहरादून दुसांद पर लग्यू सबसे नजदीकी पहाड़ी ब्लाक अर विधानसभा क्षेत्र यमकेश्वर क बणो मा उड़द धुआं अर फुकयाण ह्वाल अग्निकांड क घटनाओं से बुरी तरह प्रभावित छन।

पूर्व सैनिक अर क्षेत्र पंचायत सदस्य सुदेश भट्ट न बते कि यमकेश्वर ब्लाक अंतर्गत ढांगू पट्टी ग्रामसभा जोग्यांणा क काटल तोक मा हरपाल सिंह नौन स्वर्गीय रघुवीर सिंह सन्नीआग लपटों मा फुके कन खाक ह्वे ग्यायी । सन्नी भीतर बंधी गौड़ी अर एक बळद भी फुके गीन, जबकि दूसर बळद जन कन करि कन खुंटा उखाड़ी कर जान बचाण मा सफल रैन। यी हृदय विदारक घटना से हरपाल सिंह समेत ग्रामीण भौत दुःखी छन।

सुदेश भट्ट अनुसार इथगा बड़ी घटना बाद भी शासन-प्रशासन अर विभाग बिटी पीड़ित परिवार क प्रति न क्वी सहानुभूति दर्ज करे ग्यायी अर ना क्वी घटना आकलन कन बाबत घटना स्थल पर पहुंचीन, जैमा ग्रामीणों मा आक्रोश छ।

सुदेश भट्ट अर स्थानीय ग्रामीणों मा ध्यान सिंह बिष्ट, कलम सिंह, मोहन सिंह, प्रेम सिंह, शिव सिंह, सुरमान सिंह, कल्याण सिंह, उमेश सिंह, संदीप सिंह, मुकेश सिंह, प्रदीप, सुमित, विरेंद्र सिंह बिष्ट महिमानंद भट्टकोटी न अग्निकांड न हरपाल सिंह तै हुई क्षति क भरपाई कुणी सरकार बिटी दस लाख क मुआवजा राशि उपलब्ध करे कन पीड़ित परिवार तै राहत दिलाण की मांग करी ।

Loading...

Leave a Reply

Your email address will not be published. Required fields are marked *