यमकेस्वर लक्ष्मणझूला मोटर मार्ग पर हाथी न मनिख तै उखमि चित्त करी

यमकेस्वर लक्ष्मणझूला मोटर मार्ग पर हाथी न मनिख तै उखमि चित्त करी

ऋषिकेश-: ब्याळी रात लक्ष्मण झूला फूलचट्टी क नजीक हाथी न खूब उत्पात करी अर एक मनिख तै पटकी-पटकी कन चित्त मारी द्याय। ये दगड़ी हाथी न वख सड़क किनर बणी 3 कच्ची दुकानों तै तहस-नहस कर द्याय। एक गाड़ी पर भी हाथी न हमला करी जैमा सीयू चालक न बड़ी मुश्किल मा अपरी जान बचाई।

जानकारी क मुताबिक रात इतवार कुणी करीब 1:00 बजे हाथी लक्ष्मण झूला नीलकंठ मार्ग पर स्थित फूल चट्टी मुख्य मार्ग पर के धमकी। हाथी न सड़क किनर खड़ एक टेंपो ट्रैवलर पर हमला करी अर टेंपो ट्रैवलर तै पलटण कोशिश करी। टेंपो ट्रैवलर मा ड्राइवर सियूँ छ्यायी। ट्रैवलर क शीशा तोड़ी कन चालक तै भैर खींचण क प्रयास करी, मगर चालक न कै तरीका से गाड़ी क भीतर ही लुकी कन अपर जान बचाई। गुस्सयूं हाथी न नजीक ही सड़क किनर नरेंद्र भंडारी, सोहन सिंह भंडारी अर श्रीपाल सिंह नेगी क अस्थाई दुकानों तै तहस-नहस कर द्याय।

ये बीच वख मौजूद कपिल कुमार पुत्र शेर सिंह नगीना जिला बिजनौर नामक युवक हाथी क समणी ऐ ग्यायी। युवक तै हाथी न पटकी-पटकी कन मार द्याय। मौका पर ही उन दम तोड़ द्याय। करीब 1 घंटे तकन ये हाथी न उत्पात मचायी। फोन पर सूचना दींण पर लक्ष्मण झूला पुलिस अर राजाजी नेशनल पार्क गौरी माफी रेंज क वन अधिकारी अर गार्ड मौके पर पहुंची। फायर करि कन हाथी तै भगायी।
ये दगड़ी ही मृत व्यक्ति तै उठैकन अस्पताल भिजवाया जख पोस्टमार्टम बाबत मोर्चरी मा लाश तै रखयूं । परिजनों तै सूचना दे दिये ग्यायी।

Loading...

Leave a Reply

Your email address will not be published. Required fields are marked *