यमकेश्वर खेड़ा गौ मा भल्लू डर, लैंदी गौड़ी तै भितरखण्ड रसोड़ मा बंधणा कुणी रैवासी मजबूर

यमकेश्वर खेड़ा गौ मा भल्लू डर, लैंदी गौड़ी तै भितरखण्ड रसोड़ मा बंधणा कुणी रैवासी मजबूर

यमकेश्वर प्रखण्ड ग्रामसभा खेड़ा क गांव दुबडा बाबत क्षेत्रीय रैवासी विपिन पेटवाल न बते कि आतंकखोर जानवर क दहशत इथगा छ कि कुछ दिन बिटी ये गाँव रैवासी डर क लैंदी गौड़ी अर उक बछर तै गौशाला जगह अपर भितरखण्ड उबर मा बंधणा छवा, किलै कि कुछ दिन पैल आतंकखोर जानवर न गौड़ी पर हमला कन की कोशिश करि पर हमरी गोशाला परलाइट लगयी छेयी त उजलू हूँण कारण जानवर कुछ नि कर पाई। रात मा गौ रैवासी चंट चितवळ छ्यायी तब उन हल्ला करि तब उ भागी ग्यायी।
वखि क्षेत्र पंचायत सदस्य बूंगा सुदेश भट्ट न बते कि यमकेस्वर प्रखंड मा पिछल पांच साल बिटी ह्यून्द बगत मा गौशालाओं तै तोड़किन अभी तकन सैकडों मवेशियों तै अपर शिकार कन ह्वाल ये रहस्यमय जानवर की धर पकड बाबत क्षेत्र रैवासियू गुस्सा आक्रोश बाद वन विभाग न ये रहस्य मयी जानवर क धर पकड अर पहिचान बाबत अभियान तेज करयाल।

क्षेत्र पंचायत सदस्य बूंगा पूर्व सैनिक सुदेश भट्ट अर होर सब्बि जागरूक लोगुन भौत दिन बिटी ये समस्या क निवारण बाबत विभाग समणी आवाज उठे, अर उन लाल ढांग रेंज अधिकारी विरेंद्र पाल तै फोन पर यी समस्या बते। जै पर वन महकमा हरकत मा आयी। सुदेश भट्ट न यी भी बते की पैल क्षेत्रिय रैवास्यू बताण पर क्षेत्रिय जन प्रतिनिधि अर समाज सेवियों दगड़ी ये क्षेत्र दौरा करी कन जंगळ मा एक रहस्यमयी झोपडी पता लगे । गौ रैवासी संभतय इन खुंखार जानवर क घोल बताणा छन। जैकी तत्काल खबर रेंज अधिकारी विरेंद्र पाल तै दिए ग्यायी अर क्षेत्र मे कैमरा लगे कन ये जानवर वास्तविकता पता लगाण गुहार लगाई उकी मांग पर अाज वन विभाग क कर्मचारी द्मौके पर एकन क्षेत्र पंचायत बूंगा सुदेश भट्ट उपस्थिति अर ग्रामींण अजय भट्ट मुकेश जुगलान चंद्र प्रकाश बेलवाल सब्बि क सहयोग से जंगल मा रहस्यमयी जानवर आण जाण संदिग्ध रस्ता पर कैमरे लगए गीन जू लगभग एक हप्ता तकन लग्या राल।

सुदेश भट्ट न वन विभाग टीम से अनुरोध करि की यमकेस्वर प्रत्येक ग्राम सभा मा द्वि द्वि प्रहरी नियुक्त कन की मांग करी जू चौबीसों घंटे क्षेत्र मा जंgli जानवरों की बढद हलचल पर प चौकस ह्वे कन नजर रख सको।

Leave a Reply

Your email address will not be published. Required fields are marked *